|
نجدد البيعه على العسر واللين
يوم اعتلا سلمان عرشه وجاها
بيعة ولاء شعبٍ اسود الميادين
نسل المؤسس في يمينه بناها
حنا نبايع سيدي لحظه وحين
حنا فداء للدار واللي حماها
نمشي على خطوات رجلك مسيرين
يوم اشرقت شمس التطور دعاها
يبقى امل شعبه على منهج الدين
سورن لنا والارض محدن غزاها
سقم العدى والطامعين الشياطين
يكبح جماح المعتدي في سماها
سلمان ياعز الضعاف المساكين
يامنجزن كل الوعود ورجاها
ياسيدي ذكرى على الراس والعين
تجددت في كل حب وغلاها
ياسيدي يا تاج روس الميامين
انت الذي طب النفوس وهواها
ياسيدي حنا على العهد ماضين
حنا هل البيعه وثيقه عراها
ياسيدي يدوم عزك ملايين
ويدوم عز الدار ويظهر حلاها
ياسيدي القايد جموع الشجيعين
شعبك لدار العز لبّو نداها
قايد مسيرتنا حضاره وتمكين
نجد العذيه هللت مع قراها
سعود بن فيصل الرميزان
|
