الله يلـوم اللـي يلـوم ابـن زيـدون=يـومـه ذكـر مشتـاق مـن بيـن الأزهــار افـقٍ طليـقٍ والنسـايـم يعرضـون=ويـامـا تمـنـى شـوفهـا تـحـت الامطـار رجـال عاشـق والعشق درب مجنـون=يمـشـي مـعـه لـو انـزرع شـوك واحجـار حتـى بطريقـه لـو بنـاتٍ يمـرون=مـا يشـوف غيـر اللـي لهـا القلـب مختــار يالهف نفسـي لا غمزت غمـزة اعيون=يـا كـن رمـش العـيـن بالجـو فــرار يا نظـرة مـوّحش مكانـه تعرفـون=بجـبـال فـارس سـاكـن هنـاك مـا طــار فـي مشيها غنـج الأنوثـة تشوفـون=مثـل الغـصـن لا مال فـي وقـت الأسحـار كل خطـوةٍ فيها القمـر مات مغبـون=يمـوت غـيـرة خـايـف النـاس تحـتـار يا وردةٍ حمـراء علـى زيـت زيتـون=يا فـاكهـة انتي عـذوبـة علـى أشجـار وانتي فـراتٍ لاهطـل يسقـى الكـون=منـه ازهرت دنيـا الهـوى حـب وافكـار كـل البشر لا جـت قامـوا يقولـون=هـذي فـريـدة قلـوبـنـا لاجـلهـا دار ربي حسيب اللـي لحلاهـا يحسـدون=سمـوا عـليهـا و اذكـروا كــل الاذكـار من وصفها ما فيـه وصـفٍ ولا افنـون=عـجـزت اوّصـف ما اشـوفـه بـالاشعـار ياليتنــي رسـام وأنتــم تحكمـون=ارسم ثغَـرَها يـوم بـالمـسـك عـطـار وارسـم جديـلٍ اسـودٍ دامـس اللـون=مثـل الظـلام اللـي ملـى روس سنجـار هندسـت قولـي بالمشـاعـر تحبـون=وتبـقـى مشـاعـر بـيـنـا بس اسـرار ما كـل حـبٍ يسكـن القلـب مكنـون=ولا كـل من حـبـك يغـني بـمـزمـار هـو الوفـاء يانـاس يا ليـت تـدرون=يطلـع نحـاس الـحـب لو طالـت اعمـار خـل الجـواهـر من غـلاهـا يذوبـون=ويضحـك لهـا المرجـان مـن وسط الأنهـار هـذا الأبداع اللـي لـه الكـل مفتـون=و هذي حيـاة العشـق في جوفهـا انـوار يا سيـدي كلـي معـك يا ابن زيـدون=بجـلـس معك لـو انبنـت حولنا أســوار
