تعال .. تكفا بس ناظر عيوني = وتشوف كيــــف الدمع لا خالط الشـوق


واليا عرفت انك سبايب جنوني = اسأل ..وش اللي صـــار من مبدأ الذوق


بطلق سراح الدمع واخلي سجوني = لني جبل بعض الحصى طــاح مـن فوق


جبل جبل كل البشر يعرفوني = جبل .. ولكن لي احاسيس و عروق 


مشتاق واشواقي ثمرها شجوني = تثمر محيط القلب في صــورة اعــذوق 


طول المسافه ويل دونك ودوني = يشعرني اني طير في رجله اسبوق 


نفسي افضفض واشتكي من طعوني = قبلك فـــلا فضفضت انا لأي مخـلـوق 


خاف اشتكي للناس ثم يشتكوني = مابي يقــولـــون الـرجــل صار مطفوق 


عرفت لي درس ٍ من دروس كوني = حرفـــــي سجيني دام ماهـو بمنطوق 


حالي نحل والناس ما يرحموني = سؤالهم علـّم على وجــهـــي احــروق 


تخنقني النظرات لا ناظروني = ملعون ابوه الشوق ما يعـــرف الذوق 


تعبت افهّمهم ..... ولا يفهموني = تكفا .. تعال اشرح لهم قصّة الشوق