الرئيسية الأخبار المقالات الصور البطاقات الفيديو راسلنا

 

الأخبار اخبار منطقة الحدود الشمالية الدكتور الشراري لعرعر اليوم : إيداع مكافأة الطلاب بحساباتهم البنكية خلال اليومين القادمين 11-10-2013 08:00 PM عرعر اليوم ـ فيصل القيران :أكد الدكتور مفضي الشراري مدير العلاقات العامة والإعلام بجامعة الحدود الشمالية في تصريح لعرعر اليوم أن مكافأة طلاب جامعة الحدود الشمالية ستكون في حساباتهم غداً أو بعد غداً كحد أقصى وسط اهتمام ومتابعة معالي مدير جامعة الحدود الشمالية أ.د : سعيد آل عمر . وأضاف الشراري أن مسؤولي الجامعة وعلى رأسهم معالي مدير الجامعة كانوا في تواصل مستمر مع وزارة المالية خلال الأيام الماضية من أجل إنهاء هذا التأخير التي تتطلبت بعض الإجراءات . وكانت عرعر اليوم تلقت شكاوي متعددة من الطلاب حول تأخر المكافأة عن الشهر الماضي حيث وصل التأخير لمدة قاربت ( 15 ) وقامت الصحيفة بنقل هذه الشكاوي لمسؤولي الجامعة في سبيل إنهاء المعاناة خاصة في ظل الإلتزامات المالية للعديد من الطلاب . 14 خدمات المحتوى أدوات : [أضف تعليق] [إرسال لصديق] [طباعة] [حفظ بإسم] [حفظ PDF] التعليقات #50969 [عزوز] 11-10-2013 08:46 PM نبي نعرف شنو سبب تاخر المكافاة [عزوز] #50973 [العنزي] 11-10-2013 09:35 PM ايه تكفون ي صحيفتنا لاتخلونا املنا بعد الله انتم ومشكورين [العنزي] #50978 [البلد موليه] 11-10-2013 11:22 PM شفطها الشفاط [البلد موليه] #50982 [طالب في الجامعة] 11-11-2013 12:09 AM التأخير دائم في كل مكافأة والشهر هاذا نحتاج كتب وتصوير أوراق ، معاناة كل سنه لم نجد حل ولم نعرف سبب التأخير ، كل طالب في جامعة الحدود الشمالية صار الان مايعتمد على المكافآت لانها ماتنزل الى متأخرة ، والطالب المتخصص يعاني اكثر من التحضيري ، ومكتبة المتنبي تزود الريال ريالين وصار الطالب بين نارين ، والحل هو الصبر وأسئل الله التوفيق لي وزملائي الطلاب [طالب في الجامعة] #50983 [طالبه تربيه خاصه] 11-11-2013 12:50 AM مؤ بس الشهر هذا تعبنا معكم بغرف لمين نشكي من حقنا تنزل لنا بانتظام [طالبه تربيه خاصه] #50987 [جامعيه] 11-11-2013 01:49 AM هو اول شهر تتاخر فيه .. هالشهر شكينا وشهر الجاي متى تنزل بعد راح تتاخر .. شكوى لله بس .. [جامعيه] #50989 [ماكك] 11-11-2013 03:29 AM ماظنتي ياعبيد تاكل بطاطا [ماكك] #50990 [طالب علوم طبيه] 11-11-2013 04:02 AM الاهتمام والضغوط على الماليه كانت من الدكتور / معن المدني عميد شوون الطلاب هو صاحب الدور الاول والفعال بحل هذه المشكله وهذا ماعهدناه من ابو نامي شخصيته المتواضعه واهتمامه بمشاكل طلابه وحلها وكل من تعامل مع الدكتور معن سوف يوكد على ماقلته رفعك الله بقدر تواضعك لنا يادكتور واتمنى من جميع العمداء سلك منهج الدكتور معن والتعامل بكل شفافيه وتواضع و وضوح [طالب علوم طبيه] ردود على طالب علوم طبيه [طالب - nbu] 11-11-2013 02:01 PM هههههههه المشكلة صارلها اربع سنوات يعني عذر ال عمر واهي ،( هذا رد ع خبر الصحيفة) ------------------------------ ردي عليك: انت فاضي تطبل ؟ نقولك المشكلة صار لها اربع سنوات وتقولي معن ضغط وضغط؟ ع اساس اول مره تتاخر ؟ دامه كذا ليش من اول ماوقف هالشي عند حده ! ياحبكم للتطبيل ، مو وقتكم ترا المشكلة لها اربع سنوات وكل اللي يشتغلون بشؤون الطلاب و المسؤولين عن المكافأة وعنيد الجامعة وحاشيتة مقصرون لان السالفة طالت عن حدها ولا واحد فيهم سوى شي ، #50991 [شمالي جامعي.] 11-11-2013 04:37 AM ما ودنا التجديد لهذا الدكتور مدير للجامعه. نبي نجرب واحد جديد يمكن يكون في انضباطيه بالمكافات اكثر. تكفى يا وزير التعليم العالي. وتكفي يا عرعر اليوم وصلي صوتناااا فانت المنبر والمنبر الحر. عشتي للوطن. [شمالي جامعي.] #50993 [طالب جامعه] 11-11-2013 07:09 AM كفووووو بيض وجيهكم [طالب جامعه] #51012 [مجنون نايف] 11-11-2013 04:01 PM هاذا ليس بحل ابدا ولا نرضى به بتاتا !! نحن طلاب جامعة الحدود الشمالية نطالب بمحاسبة المذنب واظهارة بالصحف الالكترونية ويذكر اسباب المشكلة وكل من قصر في عملة ويحاسب كبيرهم قبل صغيرهم لان هاذا ليس بمستغرب عليهم فكل شهر تتاخر , وحتى لو تصل الى فصلهم فهناك الكثير من هم عاطلين بشهاداتهم ويستحقون الوظيفة !! [مجنون نايف] #51015 [بردقا] 11-11-2013 04:54 PM الجامعه مابها رقابه الموظفين متدلعين والطلاب مأكول حقهم انا بس بعرف شي واحد وش عندهم من شغل عشان تتأخر المكافآت اول م يجي الموظف الساعه8 ويفطر ويقرق ويتقهوى لين الساعه 11 يجلس ساعه ب المكتب بالساعه ترى خلص كل شغله وشوي طالع وين؟ابجيب الأهل من المدرسه انا مصدقه والرجعه قبل نهايه الدوام بربع ساعه وتلون المكافآت تنزل بوقتها [بردقا] #51025 [حتسي بصدري دابل تسبدي] 11-12-2013 01:21 AM يا اخي اقسم بالله شي يرفع الضغط ويفقع المراره ونفسي افهم ليه ما بين هالقاطع الاعلامي سبب التأخير وانما اكتفى بسحب الغضب يبشرنا ان حقنا بيجينا المكافأة لما تتأخر اول الترم نقول عذرهم كالعادة رفع المسيرات ولو اننا بعمرنا ما سمعنا هالسالفة بأي جامعة بس بقالتنا اقصد جامعتنا اما تتأخر المكافأة اكثر من نص شهر وبنص الترم هذي مالها اي عذر وبالنسبة لسعيد آل عمر ، للأسف انت مو كفو للمكان هذا وقلت كلام انت مو قده لا انت ولا حاشيتك وكل اغلب الطلاب يعرف كلامك اللي قلته بداية تعيينك ( اوعدكم راح تستلمون المكافأة قبلي وقبل اي موظف بالجامعة بتاريخ 23 من كل شهر ) الله حق على شان ما نهضم حقك صار هالكلام وتطبق فعلي شهرين تقريباً بسس من بداية تعيينك واحسب كم شهر مر وانت بالمنصب ذا !!!!! وفي عذر قديم وشماعة لكل الاخطاء اللي تصير واللي اتمنى اني ما اسمعه ابد لانه تافه ( جامعة ناشئة ) تأسست الجامعة عام 28 والميزانية حدث ولا حرج ( انتهى بخصوص هالعذر ) وارجوا رجاء خاص من كل المطبلين يطلعون من هالموضوع وهالطاري لان الموضوع مو محتمل تطبيلكم روحوا طبلوا لمواضيع الانشطة الطلابية اللي ( آل عمر وحاشيته ) هذي اكبر همومهم اتمنى ما يصير اي تعديل بالرد لأن الشي زاد عن حده واتمنى ان احد من هالحاشية يشوفه ويقراه وعلى فكرة إلى هالساعة ما نزلت المكافأة ( علامات تعجب وقهر الى مالا نهاية ) [حتسي بصدري دابل تسبدي] #51028 [طالبة لغات بجامعة الفساد] 11-12-2013 07:44 AM حسبي الله ونعم الوكيل الى الحين مانزلوا شي .. تكفووون ي صحيفتنا م لنا الا الله ثم انتم تكلموا تعبنا ترا حنا عايشين على هالمكافاه .. اجرة سواق الجامعه ،، اجرة استاذه الانجليزي والكتب والبحوث الي جننونا فيها ..يعني ناخذالمكافاه منهم نصرفها عليهم والحين عروض بروجكتر ولوحات لمادة علم النفس تكفون كل شهر نبيها بوقتها ،، ال عمر من جاء الجامعه جاء الفساد ..وين داوود الشريان عنا ؟؟؟؟؟؟؟!! وش رايكم شباب نرسله فاكس .. قسم صادقه يفضحهم مثل جامعة نوره [طالبة لغات بجامعة الفساد] تقييم 10.00/10 (4 صوت)