بديت بربنا خير معبودي=عليم بالخفايا والسدودي


ورى اسمه باد قاف القصيده = ابا انظم بيتها نظم العقودي


تفاخر يا قصيدي في مليكك = يطيب المدح في نسل الاسودي


وانااللي واحد من عرض شعبك = احبك حب ماله من حدودي 


وغيري ناس وشعوب وقبايل = تخاوت في غلاك ولا تحودي


وانا احمد ربنا من يوم قالوا = بانك للوطن تبغا تعودي


تزين يا الرياض بكل حله= تزين بالعقود وبالورودي


صبرنا وانتظرنا لين فزنا = بشوفك سالم من كل كودي


سلامات تطولك يا ذرانا = عساك بزود ويامك تزودي


ترانا بخير يوم الله تكرم = وجابك للوطن رب الوجودي


من اصغر طفل في شعبك يحيي = هلا !يا ابوي ! يا ابوي ! الودودي


وقفنا جموع والرايات خضرى= نحيي في قدوم ال السعودي


لهم نور مثل طلعة قمرنا = تبدد يا الظلام ويا الحسودي


هلابك انت وخوانك بدارك = عضود حي والله من عضودي


سلالة راعي السيف المصقل = حكمها يومها ظلم وجحودي


على الدين الحنيف ارسى عمدها = جزاه الله جنات الخلودي


لكم ذروة سنام المجد مرقى = سلاطين جدود عن جدودي


فرحنا في مجيك يا ملكنا = وجودك عندنا كل الوجودي


جمعت بقلبك الطاهر وعطفك = كثير قلوب والعالم شهودي


نسميك بمليك قلوب شعبك = يا ابونا يا ذرانا يا الودودي


رحمت من الفقارى واليتاما = رحمك الله ويدينك تجودي


رفعنا و عزنا الوالي بدينه = شرفنا بالشهاده والسجودي


إعدانا لا بغو سو بوطنا = ردمها من ردم عاد وثمودي


فداك ارواحنا لو هي قليله = على داعيك نمشي للسنودي


وقدنا يا عريب الساس قدنا = على سور الوطن حنا الجنودي


نقلت هموم كل امة محمد = تبرهن بالمواقف والجهودي


ولو كبرت ولو عرضت وطالت = تجيها يا عظيم الراي هودي


وتصغر عقب ما كانت كبيره= تهون وتتفق كل الضدودي


رعاك الله يا صقر العروبه = وحفظك الله من شر الحقودي