يابن الرجال اللي يفكون الانشاب = اللي لهم مدح مع الناس مسموع


هل الشياه مخيبه كل طلاب = وانتم خلا ماعندكم عون وفزوع


شياه النفيشي ماادا دونهن هاب = صاروا هل العشوى لهن سور وادروع


ناس تشيل وناس بالشلف واحراب = واللي بغاهن بالطمع صار مطموع


خيالكم يلكد على كدع الاسراب = بيوم عبوس بين شالع ومشلوع


البيت ياعماش ماحط له باب = مشرع للي شكا البرد والجوع


والضيف يدخل بلا شك وحساب = ماقيل ماهو به ولا قيل ممنوع


بيت الشعر ونسه وتشريف وايهاب = يحري ويذري والدخل فيه مشروع


الحثربي يوم ان حدته الاسباب = بيت السويطي زبنه طايل البوع


يالمطرفي لو هو على حصو واتراب = يسوي قراميت وتباليط واشموع


تراي خليته على غير ماطاب = وانا على فرقاه ضايق وملقوع