الرئيسية الأخبار المقالات الصور البطاقات الفيديو راسلنا

 

الأخبار اخبار منطقة الحدود الشمالية قصيدة الشاعر: سعود الرميزان بمناسبة اليوم الوطني 91 09-22-2021 02:18 AM عرعر اليوم : قصيدة الشاعر: سعود الرميزان بمناسبة اليوم الوطني 91 تسعين عامٍ ماضيه والسنه عاااام يوم الوطن شمله توحد مسيره حكم المؤسس قادها كله الهااام ربي نصره عبده حدود الجزيره ضحى بنفسه لابسٍ ابيض الخام بالسيف وحدها وشلفا شطيره ويرسم على ارضه بحكمه وتفهااام مواقع القوه بحد البصيره يجمع شتات الناس في سهر وقيام وحافظ على ارواح الضعوف الفقيره عبد العزيز اللي على العاليه حام ركّز علم حكمه وسمّى سفيره كل الدول جاته مصاااالح وترحاااام يمد. يد العون للمستجيره. اعلن بشرع الله تشاريع واحكاااام والف قلوب الناس بعد الكسيره حاكم يقودم الشعب في لطف وافهااام يعطي حقوق الناس من كف خيره ويعطي عدوه ضربةٍ. تلجم الجااام من فعل اخو نوره يلاقي مصيره ومن بعده ملوكٍ على الحكم خدااام دايم. لبيت الله حماة ونصيره سعود والفيصل شموخه اليا ازام هدد اهل صهيون واعلن نفيره خالد وابو فيصل صميدع وضرغااام يحمي القصير اللي شكى من قصيره اوما بردنه وجت رايااات واعلااام وجيشٍ عرمرم بالعدد والذخيره رجّع حقوق الجار من ضيم صدام والسيف في يمناااه عادى جفيره كثر السهر اضفى على جفنه اوسام لين استقر حكم الصباح وضميره املوكنا عاداتهم قدر واكرام عبدالله اللي طافحٍ جم. بيره مد اليمين لكل مسلم ومنضام واعطى الضعيف اللي بليا حصيره الصالح المصلح وقلبه للايتاااام ومن الرحم عينه دموعه غزيره وثم اعتلا سلمان حرٍ اليا هااام رام المعالي مايشوف الصغيره حاكم سياسي خاضها ضد الالغام يردع عدوه مارضي بالكسيره ضد المجوس اللي لهم بصمة اجرام من دور كسره والافاعي خطيره دق العدو ثم حط للخشم خزّاااام لين اندحر كلب المجوس الحقيره دام السعودي هو صمام وحزاااام امضي بنا ياسيدي. للعسيره وعضيدك محمد سمو ه الياقام يجعل عدوه بين ذله وحيررره هذا الوطن عزه وهيبه وصمااام امان في ضل العزوم الكبيره ياوطن حنا نرخص الروح مادام ارواحنا لاجلك فدتك العشيره ياوطن افخر كل ماقام الإمام وافخر الياكبر. صلاه الظهيره وخمسة فروضٍ بين قايم وصّوااام بين المقام وبين ذيك الشعيره خدمة. بيوت. الله رغودٍ. ونيااام وسخر لهم جندٍ تناوب خفيره هذا الوطن مابه خرافات وصنام في ضل اخو نوره و شعب وّزيره اليد وحده وصفنا تامٍ تااااام الشعب واحد بالجموع الغفيره يالحاقد اللي فيك معول وهدام اهدم على راسك بذيك الحفيره حنا جنودٍ للوطن خير الاقوام من ضدنا تبقى حياته مريره يذوق من ضرباتنا سم وزقاام يرجع على شبك الغنم والحضيره مسكين من ظنه خرافات واحلام يموت ماحصل قشور الشعيره هذاالوطن شعبه شجاعٍ ومقدااام يموت لاجله في نهوض المسيره رؤية تقدم بالتطور والاحجام كل مرحله تدعم من الخير خيره عدل بها كحيلان قانون وارقام وحربه على السراق زاد الوتيره حط اللجام وشد للسارق ابلام ماينفع السارق بواطن ضميره ماينجو الخاين ولا يفلت ازمام زمام الامور اللي رحاها تديره اهل العداله وان حكى كل نمام المطرقه لاهل. العلوم الحقيره من طوّل لسانه للافواه كمااام يرغي الجمل لو كان طوّل هديره وختاااامها دعوة محبٍ الياقام في مسجده دعوات ربي يجيره يحفظ بلدنا من صواديف واقزام علوج العجم ياجعلهم بالسعيره هذا وصلى الله على خير. الانام في دعوته طب العيون الضريره سعود بن فيصل الرميزان 0 خدمات المحتوى أدوات : [أضف تعليق] [إرسال لصديق] [طباعة] [حفظ بإسم] [حفظ PDF] تقييم 2.00/10 (1 صوت)