قصيدة الشاعرة : رياح الوفاء بمناسبة اليوم الوطني 91


يدوم عزك يابلادي وتبقين
دار الفخر والمجد دار الكرامه
في حكم ال سعود حنا فخورين
اهل المروه والكرم والشهامه
مرحوم من اسس بِناهاعلى الدين
عبدالعزيز اللي وفا في كلامه
بالسيف نال النصر ضد العدوين
حتى ارتفع في كل دوله مقامه
واليوم حنا بعهد سلمان ماضين
ماضين لدروب الفخر والفخامه
ومحمد اللي بالوفا له عناوين
فرض على كل القلوب احترامه
نمشي معاهم للمعالي سعيدين
واللي معاهم مايشوف الندامه
ياديرتي حبك سكن بالشرايين
وحبك فلا يفنى ليوم القيامه
وحنا على عهد الولاء دوم وافين
دون الوطن لا مانريد السلامه
برواحنا نفداه بالعسر واللين
بقلوبنا لأصداء حبه علامه


الشاعرة : رياح الوفاء