عرعر اليوم ـ خلف جويبر :أدى تأخر أحد المواطنين في استخدام أحد الصرافات البنكية إلى حدوث مشاجرة مساء أمس. وتعود التفاصيل إلى أن الدوريات الأمنية تلقت بلاغاً من مواطن يفيد بوجود مشاجرة داخل كابينة أحد الصرافات في حي الفيصلية وبعد مباشرة البلاغ أتضح أن المشاجرة كانت بسبب تأخر الطرف الأول في استخدام آلة الصراف وبعد اعتراض الطرف الثاني على مدة مكوثه أمام جهاز الصراف، تطور الأمر لمشاجرة وتشابك بالأيدي قبل أن يتم السيطرة عليها من قبل الدوريات الأمنية.
وأكد الناطق الإعلامي بشرطة منطقة الحدود الشمالية العقيد بندر الأيداء، صحة الحادثة مضيفاً: “عندما طال مكوث أحدهما والأخر ينتظر اشتد النقاش وتحول لتشابك بالأيدي ولم تحدث إصابات”.
ياجماعه ترى نظاماً لكل عميل صلاحيه لا تزيد عن 5دقايق على الصرافه وبعض الناس الله يهديه يحسبها حقت ابوه مطيح عندها وتلقها مسوي قروشه بتالي ينتظر حواله ريالين عشان يسحب50ولى حقين الفواتير وبعدين ترا ذبحنا التصوير عند صرافات الغرف لما تدخل اللي وراك عيونه فالشاشه عييييييييييب فضول استطلاع لقافه !!!!!؟؟؟؟؟؟؟
ههههه
ذكرتوني في موقف قبل شوي حصل معاي في السيارة
وانا اودي اخوي الصغير المدرسة جالس اضحك معاة
وفجأة الا اسمع صوت واحد جنبي بسيارتة يناظر بعصبية ويقول وش فيك تضحك .؟؟
على باله اضحك عليةههههه
قسم بالله نفسيات هالبشر
ياخي وش معجلك اشلون لو انت بالرياض شتسوي تصف طابور لمدة ساعه ويمكن يجي دورك وهنا عجزان تصبر خمس دقايق ع الاقل يمكن الرجال يسدد فواتير او يحول مبلغ ولا حافز يمكن معصبك شوي
[مشعل الحربي]
ردود على مشعل الحربي
[ابو ثامر]05-09-2012 10:37 AM
اقول يالحبيب تراك غلطان تقارن الرياض ولا الشرقيه بعرعر اللي صرافتها قليله ومحدوده جدا الزحمه تصير بسبب قله الصرافات والناس ماشاءالله بعرعر بزدياد اما الشرقيه والرياض بكل شارع تلقى صرافه وش جاب لجاب..
والله قمة الوقاحه لما تكون حرمه واقفه بعيييييييييد عن الصراف لانه فيه رجال يصرف وبعد طول انتظار يجي رجال ثاني ويصير وراه ويسحب قبل اللي منتظرين ودي اسحب منه بطاقته وخاصه الحرمهاللي مضطره وماعندها رجال يسحبلها
رفقا بالقوارير
[بنت حافز]
ردود على بنت حافز
[محمد]05-09-2012 03:15 PM
اصلا هنا مافيه اي احترام للمراه وش عرفهم
في الدول الثانيه اذاشاف امراه على طول طلع وخلها تسحب تقديرا واحتراما
اما هنا استني لين يجي الفرج تلقه ولا هو معبرها وكانه يقول هذي وش جابها هنا
المشكله ان بعض الناس هداهم الله تلقى معه عدة بطاقات يبي يصرف من احداهن اما بقيه البطاقات يسوي استفسار وكم الرصيد ويقرأ العمليات الموجود خلال الشهر مثلاً
والله يعيننا عليهم
ههههههههههههههههههههههههههههههههه
تغيرت النفوس والا الزمن واحد لقد ضاقت صدور أهل الشمال الذي كان يضرب بها المثل يقال( صدر شمالي) لكن مالوم اخينا على ضيق صدره بعض الحثلات كأن الصرافه ملكة لوحدة ولايقدر انتظار الاخرين مايهمه سوى نفسه لويجس ساعة عادي عندة الله المستعان؟؟؟
الحقيقة بالكامل سلب تحت تهديد السلاح من قبل شخصين يقودان سيارة من نوع جيب لاندكروزر موديل 92 الون اسود وتم تحريف القضية بعد تدخل وسائط في القضية ودمتم نأمل النشر للحياديه
والله شوف انا كنت أول ازهق من اللي يبطي على الصراف الآلي ,,, كنت أحسب ان بلدنا أحسن بلد بالعالم كل شي جديد وحديث مضحوك علي أتابع القناة الاولى ههههههههههههه بس يوم درست بالكلية التقنية وبديت استلم المكافآات بدت تظهر لي مشكلة الا وهي بطئ نظام التشغيل لمكائن الصراف وعدم استجابة للعميل يعني استعلام عن الرصيد يا خذ 3 دقايق >>> سحب نقدي ياخذ دقيقة على بال ما تطلع البطاقة من المكينة ولا عاد الفلوس تاخذ 3 دقايق ما تطلع = والنتيجة نقعد نحسب الدقايق تطلع 7 دقايق على ما تخلص استعلام وسحب نقدي واخذ القروش لبى قلبها <<< ههههههههههههه والحين صارلي متخرج من الكلية التقنية سنتين واستلم حافز الحين وكل المشاكل من مكائن الصراف الآلي تباً له انا اسميه مسبب المشاكل والناس ما تدري تحسبك قاعد مستانس على الصرافة ما يدرون ان الصرافة اللي انت تسحب منها جايبينها من اليابان كانت بتروح سكراب هههههههههه وربي جد مسوين لها ترجمة عربية وموديلها 1995 لان الجديد تكلف 10 مليون والقديمة اللي هي رايحة سكراب بمليون وعشان كذا مكائن الصراف عندنا متخلفة وبطيئة لاتتجاوب مع العصر الحديث فهي بطيئة مملة عفا عليها الزمن
التأخير في استخدام الصراف الآلي لأحد البنوك يتسبب في مشاجرة بعرعر!! 
21 
