الرئيسية الأخبار المقالات الصور البطاقات الفيديو راسلنا

 

الأخبار شيبة عرعر شيبة عرعر يعود بحوار شيق وممتع بالجزء الثاني 07-09-2010 02:34 AM عاد شيبة عرعر بحوار شيق بينه وبين مدينة عرعر واستطاعت عرعر اليوم اختراق مادار من حوار بين شيبة عرعر ومدينة عرعر لتأخذ الجزء الثاني وتنشره لقرائهاالكرام السلام عليكم ورحمة الله وبركاته ياشايبنا ؟ وعليكم السلام وعلى القراء ورحمة الله وبركاته . ودنا ياشيبة عرعر نكمل دردشتنا معاك اذا ماعندك مانع ؟ اهلاً وسهلاً بك وبالقراء الاعزاء . بس اليوم عندي شروط . بدينا الشروط لايكون اصابك الغرور ؟ انا من اهالي عرعر وماهي غريبه اطير بالعجة وبعدين لاتفهميني غلط انا ماني طالب فلوس اعرفك ياعرعر فقر بفقر بس عاد ايش اسوي أحبك . مادام ماتبي فلوس الامر هين هات شروطك ؟ الاول : احب اسألك مثل ما تسأليني او سؤال لي وسؤال لك . هذا سهل – وافقنا عليه والثاني ؟ الثاني :الله يسلمك ودي اعرف راي القراء مو تضحكين علي انتِ وفيصل تقولون ان ذلك معجب القراء . طيب وين يلقونك القراء حتى يقولون رايهم لك ؟ يلقوني بعرعر اليوم . مايعرفون شكلك انت ناشر صورة ؟ الصورة معطيها فيصل من اول يوم وما نشرها خايف . خايف من ام العيال والا تخطف منه المعجبات مثلاً ؟ لا . خايف اذا شافوني القراء يهجون عن قراءة الصحيفه . طيب عندك ايميل ؟ ايه عندي اربع براميل باني عليهن ظلال للصخول عند صندقتنا . والى متى وانتم تسكنون صنادق ؟ يا ما يجينا كارثه مثل كارثه جده . طيب خلصت شروطك ابي اسأل ؟ تفضلي يا عرعر . مؤهلك الدراسي ؟ انا دارس على صدري مهو مثل جيل اليوم مدرسين بالمدرسه ومدرسين بالبيت والراسبين اكتر من الناجحين . لاعبك المفضل ؟ جمال رحيل . هذا لاعب ؟ ايو خالد لو حضر هالزمان لا سهلاوي ولا قحطاني يحطم قيمه الصفقه . ومطربك المفضل ؟ هليل محمد . حافظ شيء من الاغاني ؟ جيتك من عرعر ساري . من تقرأ له ؟ عايد ريشود هذا مثقف ؟ يكفيه المعجم الشعري للمواقع الجغرافيه بمنطقه عرعر. ليه ماحطوه بالنادي الادبي ؟ ماعندة واسطه . تصدق ياشيبة عرعر اول مرة اسمع بهم ؟ اذا انت ياعرعر ما تعرفينهم ماهي غريبه مايعرفونهم اهل عرعر لانهم ما يعرفون الرجال . ما يعرفون الا امثال فأر سد مأرب . وحصان ابليس . انت تعرفهم شخصياً ؟ لا اعرف افعالهم والرجال افعال . امنيتك بالحياة ؟ تكريمهم – قبل الموت . ليه في احد مات ماكرمتموه ؟ ياكثرهم واخرهم اخو خلفه . اخو خلفه وشو عمله اللي يستحق عليه التكريم ؟ كان اشهر حمال اغنام بعرعر رحمه الله . حتى الحمال تبينا نكرمه ؟ هذه مشكله اهل عرعر كل شيء يحتقرونه حتى صاروا اكثر المناطق بطاله . والا الهنود وربعهم جالسين ياخذون من الخيرات وهم جالسين يقولون مالقينا عمل – لا – وبعضهم يسرق ويقول ذبحني الجوع . ما الفائدة من تكريمهم ؟ حتى يتعلم جيل النيدو وحفائظ بامبرز من الجيل السابق ان العمل الشريف مابه عيوب . يعني اللي تبينا نكرمهم كلهم من اهل عرعر اليست هذه عنصريه ياشيبة عرعر ؟ بل وفاء ياعرعر لمن خدم عرعر حتى يتعلم هالجيل الوفاء اللي ما يعرفون الا وفاء عامر . طيب ياعرعر ماخليتي لي مجال اسال ؟ تفضل ياشيبة عرعر . انتِ راضيه ياعرعر عن اهل عرعر ؟ اللي اكبر منى بمقام الوالدين واللي كبري مقام الاخوان والصغار مثل عيالي . ايه القرد في عين امه غزال ما علينا . يعني مالك ملاحظات عليهم ؟ والله اني مستحيه لاقول لك . احد يستحي من اهله قولي اللي بخاطرك . وسرك في بير ؟ يقولون ما عندكم وطنيه . ايييييه هذا مربط الفرس انا اقولك . اذا الوطنيه بنهب المال العام الحمد لله مافيه منا احد وزير ولا مدير عام وبذلك ماعندنا وطنيه واذا الوطنيه بالخروج على ولاة الامر وتكفير العلماء كذلك ماعندنا وطنيه . تسمح لي ياشيبة عرعر اقاطعك واسالك ؟ والله انك عرعريه بتحبين المقاطعه . تفضلي وين وصلت شكوى اهل عرعر ضد من اتهموكم بعدم الوطنيه ؟ سحابة صيف . انا قلت بس ماسمعوا كلامي . ايش قلت ؟ قلت : حطوا باذانكم اليمين طين وباذانكم اليسار عجين وخذوا بقول الشافعي رحمه الله اذا نطق السفيه فلا تجبه ................. فخير من اجابته السكوت . والحل? يسوون لي وكاله . ياشيبة عرعر انا امون على اهل عرعر يوكلونك ؟ ياعرعر : انا ما ابي وكالات مطالبه . اجل ايش تبي ؟ ابي وكالات على الحسابات البنكيه علشان اوريهم الوطنيه . هاه ياعرعر عندك شيء تقولينه عن اهالي عرعر ... يقولون ماعندكم دين ؟ لا حول ولاقوة الا بالله حتى اللي بيننا وبين ربنا تتدخلون به ابشرك تركنا امور كثيرة . ايش تركتم ؟ ذبيحه الغرا . وبعد ? ذكر رمضان مانسويهن غدا وفيه شيء اخر تركتوه ؟ ايه حريمنا تركنٌ السفور وتغطن بس طلعت قلة الحياء عند بعضهن . ليلة الخواره ماجبت طاريها ؟ حاسيكم بخير . وعندكم شيء جديد ؟ الحمد لله تحفيظ قرآن بكل مسجد بس بدون مدرسين ودعاه على اكمل وجه بس ما يعرفون لغه وحسابات زكاه بس مافيها شيء . هذه نعمه .. الحمد لله 14 خدمات المحتوى أدوات : [إرسال لصديق] [طباعة] [حفظ بإسم] [حفظ PDF] التعليقات #911 [خالد الثواب] 07-09-2010 03:15 AM حوار شيق يا عرعر اليوم كالعاده مميزه منذ انطلاقتك ونحن نطمح للمزيد والمزيد من حوار شيبة عرعر ونريده يكشف لنا شيبة عرعر كل شي عن الدوائر الحكوميه في عرعر بحوار ممتع والى الامام #913 [رائد العنزي] 07-09-2010 04:19 AM اي والله صادق ياشيبة وين تبي العالم تعرفهم أما جيل النيدو اغسل يدك ولا تروش بفلاش منهم على قولة ابوي رحمه الله اكل ومرعى وقلت صنعى شيبة عرعر مبدع منذ ان عرفناك بهذه الجميلة عرعر اليوم #930 [وليام الرويلي] 07-09-2010 02:32 PM أبدااااااع لأبعد حد و يحاكي حقيقة عرعر واصلووووا والله معاكم إلى الأماااااام ياعرعر اليوم أقتراح أتمنى يؤخذ بعين الأعتبار حرام الأبداع يكون مدفون مانطلب كل يوم جزء لكي لانفقد التشويق لكن نطالبكم بكل أسبوع جزء وياليت كل أسبوع يكون التركيز على شيء في عرعر والضربه اللي ماتصيب تدووش { يقصد الادارات اللي في عرعر #937 [سلطان الحازمي] 07-09-2010 06:01 PM مازال اعجابي يزداد بهذا الحوار الشيق والهادف ومازالت اطالب بأن الحوار ينتقل الي كل الادارات الحكوميه بعرعر والسوال ا لهام جدا جدا جدا والذي مازال يحيرني ويحير الكثير من شباب وشيبان عرعر !!!!!!!!!! الســـــــــــؤال هو : مافيــه بهالبلـــد غيــــر هــا الولــــــد ؟ هذا السؤال تردد كثيرا وخاصة بعد احداث او افتتاح اي مركز اوجمعيه او خلافه بعرعر تجد مهام هذه المراكز محصوره فقط بين عدد من الاشخاص وهم في الاصل ليسى بحاجه لها ولا لمكافأتها لكن الطمع شين !!!!!! وشكري وتقديري لك ياشيبة عرعر واقولك صح النوم جيت متأخر كثير كثير0 #938 [ابو اسامه] 07-09-2010 08:46 PM حوار شيق جدا ويحاكي الكثير من هموم اهل المنطقه أسأل الله ان ينفع بشيبتنا عرعر واهل عرعر والله يعطيك العافيه ياشيبة عرعر ,, وياعرعر اليوم والى الامام ان شاء الله ..... #947 [ابوضاري] 07-10-2010 12:52 AM يااهلا بشيبة عرعر حوااااااااااااااااااااااااااااااااااااار ممتاز والله ودي اتعرف عليك واتقهوى معاك انا وجاري ابوسفاح عند المواعز . لاتقولي ولاتعتذر جايينك جايينك ياشيبة عرعر احس طبعنا واحد #948 [حمدان] 07-10-2010 12:55 AM رووووووووووووووووعة الله يكثر من امثالك اكتب عن هالادارات اللي بعرعر ولاتنسى تعليم البنين #986 [خلف بن جويبر ] 07-11-2010 09:18 AM حوار رائع وشيق ومثل ماقال أحد القراء الكرام حوار بلغة بسيطة من السهل الممتنع الذي يمتزج بعاطفة البسطاء أمثالنا نحن أهل الشمال وفي الحوار ومضات عن بعض محطات الأهتمام التي سكت عنها وجرت العادة على طاري على دلعونه المتهمين بها #989 [ابوخالد] 07-11-2010 11:16 AM ممتع ياشيبة عرعر حوار رائع بالفعل هناك الكثير الذين لم يكرموا بالمنطقة نتمنى ان يتم تكريمهم كلامك في محله #990 [البحر] 07-11-2010 11:19 AM شيبة عرعر ارجوك لاتوقف والادارات اكتب عنها خاصة تعليم البنين تكفى ياشيبة عرعر تخبطات عديدة بتعليم البنين ارجوك ناقشها #991 [ام ناصر] 07-11-2010 11:20 AM الله يعطيك العافية ياشيبنا استمتعنا لا تغيب عنا #992 [حمووووودي] 07-11-2010 11:21 AM وعندكم شيء جديد ؟ الحمد لله تحفيظ قرآن بكل مسجد بس بدون مدرسين ودعاه على اكمل وجه بس ما يعرفون لغه وحسابات زكاه بس مافيها شيء . صدقت ياشيبة عرعر #993 [القناص] 07-11-2010 11:22 AM انا اشهد انك قناص ماهر وتعرف تصيد ياشيبة عرعر #1014 [سلمان] 07-12-2010 07:29 AM حــــــــــــــــــــــــــــــــــــــــــــــــــــــــــــوار شيق وممتع وفيه من الفائده الكثير شكرا عرعر اليوم تقييم 7.84/10 (160 صوت)