09-23-2020 06:34 PM عرعر اليوم:
عاش الملك سلمان يا ناصر الدين
وراية محمد ماسكه في يمينه
دستوره القرآن قبلٍ والحين
وربط احباله بالحبال المتينه
مسك احبال الله وأخزى الشياطين
وسلك دروب المصطفى بالسكينه
إﻣﺎمنا وإﻣﺎم كل المطيعين
ﻋﻠﻰ طريق النور ﻗﺎد السفينه
وانتم ھل اﻟﻌوﺟﻰ ﻋﻠﻰ الشرع ﻣﺎشين
ﺷرعٍ بناه ﷲ محد يدينه
تتلون ابو فهد ﻋﻠﻰ العسر واللين
ﻗﺎد المسيرة واﻟسياسة ثمينه
ﷲ يعزك ياحبيب الملايين
أودعت روحك للمكرّم رهينه
تنهج ﻋﻠﻰ ﻧﮭﺞ الصحابة القديمين
وأوفيت بحق ﷲ ونشرت دينه
ﯾﺎﺧﺎدم البيتين ﻓﻲ قرن عشرين
وضعهن المولى بإيدٍ أمينه
يامنجد الإسلام لو هم بعيدين
من طاع ربه دوم ربه عوينه
لاصابهم مكروه لسلمان داعين
يستنكر المأساة وتبذل يمينه
سوّى جسر جوي مايبخل بشين
يا نصرة المضيوم هي نصب عينه
يابو الضعافي كلها والمساكين
وأحن من الوالد على جنينه
عظم الفقاري للعرب يبذل الزين
ولولا الظهر ماشفت للشخص عينه
هو قلبه النابض يغذي الشرايين
يشد أعصاب الجسم وينهض بحينه
توّجك ربك يالمحنك بتاجين
تاج الشرف من فوق عالي جبينه
وتاجٍ لحب الناس تراك بالعين
خليفة الإسلام والمؤمنينه
وولي عهدك ينتظر امرك الزين*
هو درعك الواقي احلاقه متينه
سندك ابو سلمان لابيّن الشين*
سمٍ على كبد المعادي يهينه
مثل صلاح الدين سيفه بحدّين
يجول جولاته ويرطن رطينه
يوم اكتسح حرب الكرامة بحطين
دمّر أصنام الكفر لو هي حصينه
محمد السلمان هو قرة العين
ويكافح العدوان ربي يعينه
يامر على قوات للعهد موفين
تبشروا بالنصر يامشتهينه
عنده أبطالٍ فوق مثل الشياهين
اللي تصور بالكواكب مدينه
ترمي على العدوان نار وبراكين
هذي جهنم للقلوب اللعينه
وانا اشهد انك سورها والحذر زين
إرصاد جوي للوجيه المشينه
وافعالكم ما تنحسب بالملايين
الله اكبر يالاعمال الثمينه
وصلاة ربي عد ما قالوا امين
على رسول شرَف الله دينه
الشاعر هدوان ارشيد المصرب العنزي
 0
خدمات المحتوى
| تقييم
|
قصيدة للشاعر هدوان ارشيد المصرب العنزي 