عرعر اليوم ـ التحرير :كما تعودتم أعزائي القراء في فقرة عدسة عرعر اليوم نقوم بتسليط الضوء على أي سلبية كانت فقد رصدت العدسة لهذا الأسبوع جسر طريق جديدة عرعر المتوقف عن العمل منذ شهور طو يلة مما خنق معه مدينة عرعر مرورياً نظراً للموقع المهم وهو طريق جديدة عرعر والذي يربط بالجسر الدولي وكذلك أحياء الريان والناصرية وايضاً صناعية عرعر .
بدأت أمانة المنطقة العمل أستبشر الجميع بالعمل فجأة ودون مقدمات توقف العمل بالمشروع .. عام ونصف عام والطريق مغلق !!
صرح أمين أمانة منطقة الحدود الشمالية المهندس عبدالمنعم الراشد أن سبب توقف المشروع وجود ألياف بصرية خاصة بالأتصالات
هذا التصريح فتح باب تساؤولات عديدة أههما :
لماذا لم يتم التأكد قبل البدء بالمشروع من عدم وجود مثل هذه الألياف من قبل شركة الاتصالات ولماذا لا يكون هناك تنسيق بين الجهات الحكومية قبل تنفيذ أي مشروع ..
لكن الشيء الأكيد أن مشاريعنا تعطلها أصبح ظاهرة بداية ببوابة عرعر الغربية ثم بوابة عرعر الشرقية ثم دوار طريق سكاكا ودوار صناعية عرعر وغيرها الكثير .
من يتحمل خسارة هذه الملايين بعد توقف جسر جديدة عرعر هل من المعقول أن يتم الحال هكذا بسبب عدم التنسيق وبسبب أخطاء ترتكب من قبل أمانة المنطقة باعتمادها تنفيذ المشروع دون التأكد من عدم جود شيء يعيق المشروع ؟؟
ويتبادر إلى الذهن أين دور المجلس البلدي والذي وضع لمتابعة المشاريع المقدمة للمواطن ..
أم كما يقال ( وعود انتخابية )!! أنتهت بوقتها حتى أن الناخب والذي شارك بالتصويت قد لايتذكر أنه يوجد لدينا مجلس بلدي لعدم وجود أي دور قدمه المجلس !!
لسان حال المواطن للمجلس البلدي أنظروا لما تقدمه المجالس البلدية الأخرى وأقتدوا بتجربة بلدي رفحاء !!
مدري هالامانه تظحك علينا ولاوش اخبر قبل سنه اسحبو المشروع من المؤسسة المنفذه لائنهم تعثرو به
وقالنا ماشي شي طيب راح يعطونه شركة ثانيه يمكن لاعلى وعسى تخلصه والحين متوقف الحين طلع لنا
الراشد يرقع يقول وجود الياف بصريه الا لاتقول الياف قل بلشتو به قل تصميم المشروع من الاساس كل خطا جسر لايوجد فيه مخارج هاذي وين تجي
وش هالمجلس نظحك على ارواحنا حنا ولاايش مجلس ماغير بس فاتح لي مجلسه كل اثنين مدري بس تسكيت للعالم انهم مهتمين بالمشاريع شوفو شوارع عرعر كلها لااسفلت متسنع ولامشاريع مثل العالم والناس ناجحه
واللي يقهرك يطلع الراشد يقول رفعنا لمعالي وزير البلديه مشاريع بقيمة 300 مليون ريال
يالله نبي نشوف هالمشاريع اتحداكم اذا لقيتو مشروع ناجح مثل العالم والناس
اااايه هو بس هالجسر هذا امور كثيرة واخر مشكلة صارت اليوم حادث سيارة بسبب حفريات موجودة امام سكن قوئ الامن بسبب عدم وضع لو حات ارشادية بعيده عن مكان العمل
الأمين وحاشيته تقول إنهم مايمشون مع القاع يطيرون طيران نسأل الله العافيه وحنا بدو نشوف الخلل وهم مايشوفونه والله إنك تستغرب من هالمسئولين ولا يداومون مع أنفاق تحت الأرض ويرجعون لبيوتهم مايشوفون شي بس حبر على ورق شوارع عرعر تخرع وصبات وبلاوي وياكبر مسماها (أمانه)
بلدية شعبة نصاب وطلعة التمياط أفضل منها
بس لويحطون إحدى رؤساء هالبلديات اللي ذكرت كان شفتو عرعر غير
من هم مسؤلون عن الزراعة والتشجير والمناظر الجماليه مقصرين في تحسين الأشجار أين أنت يا أميننا المحبوب الا تلاحظ ذلك أم ليس لك عيون في قدمة راسك بل في خلفه
الحدئق وتنسيقها ميتين شوف الحديقه اللي بجانب دوار الفيصلية ميته شف حال العوايل لعصر مايسر الناظر الى متى
هالحين اذا أخطأ المواطن صكوه بالعقوبات والغرامات واذا أخطأ المسؤول ماحد يقول وين أنت رايح والمشكلة ان خطأ المسؤول تنظر منه مدينة كاملة ليش مايتعاقب المسؤول المقصر
كيف يعملون جسر ولا يدرون وش اللي تحته والله لو انه موظف مسكين اخطأ تلقاه من أمس بالسجن
أبشركم وصلوا بالسلامة وفد الأمانة تصدقون ياجماعة كلهم رايحين أكثر من 10
أولهم وكيل الخدمات العامة اللي صدع بروسنا حط نخل وطاح النخل كله والظاهر راح للمغرب يشوف نخلهم ههههههههه
وكذلك راح مدير الاستثمارات
مدير العلاقات العامة
مير التخطيط
ومدير الميزانية
ومدير بلدية أم خنصر
وغيرهم مايحضرني
الكارثة تدرون ايش ؟؟
رئيس المجلس البلدي رايح معاهم
أبغى أفهم وش دخله بدورات الأمانة مدري
يعني عين الرضا عليه من الأمين والا ماراح
وتبغون عرعر تتطور اذا رئيس المجلس رايح أولهم
قابلوني
وبعدين كل الناس رايحه ليه
مافيه مواطنين يراجعون مايحتاجون مدير قسم يتفاهمون معاه
الشيء هذا يأثر على العمل وسير العمل
اراضي كل يوم لأن مافيه أحد
حسبي الله ونعم الوكيل
حسبي الله ونعم الوكيل
مشاريعنا تتعطل والعالم رايحة تتمشى بالمغرب
اشتقت للمغرب وأنا توني جاي .... الله يصبرني على حر شوقي
[اشتقت للمغرب]
ردود على اشتقت للمغرب
[الشمالي ليمتد]06-10-2012 02:23 AM
رئيس المجلس البلدي صحيج ماله شغل لكن هم آخذينه معهم السكن والتذاكر عليهم هم رايحين رايحين انت ليش حاسده ياخوي وقفت عليه كلها
أهااا أثري الطاسه رايحة وبعدين قرأت إحدى التعليقات الشله رايحين للمغرب ليش يروحون ووش اللي ناقص يطلعون عليه بالمغرب دققو بمشاريعكم بس وانجزوها شكلهم يخططون راحو قبل بداية الاجازة الصيفية ياحليلهم حريفين أشكرهم على جميع اجابوه لنا من افكار من المغرب لرقي مدينتنا
يجب تحرك الامانه وحث المقاول على انجاز المشروع باسرع وقت لان شركة العايد اصبحت تاخذ مشاريع ولاتنفذها ولانعرف ماهي اسباب ذلك يامين الحدود الشماليه مشاريعكم تبدا مريضه ثم تدخل العنايه ثم فقدان الوعي ثم تتعافى ببطء وفي النهاية الانجاز سيئ هذا الوضع يزعج المواطنين ويربك حركة المرور وتكثر الحوادث يامين البلدية نناشدك بالله الاهتمام بذلك ومتابعة المشاريع بشكل يومي ومستمر ولايصلح لهذا العمل الا الشخص العملي النشيط اما الموظف البارد لايصلح لهذا العمل وفقكم الله لما يحب ويرضى
تم بحمد الله وتوفيقة عودة صاحب الامانة والوفد المرافق له من المغرب بعد ان تمكنوا من اتمام الدورة التدريبية بعنوان ( الفشل الاداري بامانة الامين لادارة الملك الخاص )
وقد تمكنوا من اجتيازها بتفدير ممتاز مع مرتبة الفشل وهم
ابوا ( م ) سعادة صاحب
ابوا ( ع )النائب الاول لتعديل المايل والنظافة
ابوا ( ر )النائب الاول للفرص الاستثمارية
ابوا ( ف )النائب الاول لالقاء السلام
ابوا ( ي )النائب الاول لتوريد الكلام
ابوا ( ي )النائب الاول للفتوى
ابوا ( ع )النائب الاول لتجميل والتحسين
بالاضافة الي عدد من رؤساء البدليات والمصلخ البلدي
ولذلك جرى التنوية لمن رغب بالمباركة والتحمد على سلامتهم
واللي عنده كلمه يحتفظ فيها لنفسة
عتبنا على إخبا.. عرعر أرى أن الإخبارية (متكتمة عن الكتابة في الأمانة)
السبب غير معروف يا أخبارية عرعر أين الجرأة أين الصحفيين الان أخبارية رفحاء وعرعر اليوم ينشرون أخبار وأنتم لاء لماذا هذاالقصور أين أنتم في السابق كنتم مميزين الان خايفين تكتبون أي شيء عن الامانة لاتخافون الا من رب العالمين بالعكس خلوهم هم يخافون منكم صورو القصور في الشوارع القصور في الارصفة وهناك شيول صار عليه حادث في الطلعة بالقرب من كلية البنات وشال الاشارة أين أنتم من الحدث لم تصورون ولم تنشرون أعاتبكم لما اراه في عيني لاحظو المصطحات بالقرب من الرفاع ميته ويابسه مافيها ماء وشوك ماتقدر تجلس وصبات وعدم نظافة والحديقة بجانب دوار الفيصلية ميته ما السبب اين المسؤلين قابلوهم أنتم عين عرعر ولاهو قصور في صحيفتنا أشغلو المسئولين بأنفسهم هم لخدمة المواطن والمقصر سيحاسب أتمنى صوتي وصل وأعذروني ان خانني التعبير لأني كتبت على عجالة وأنا منكم وفيكم ليس من المعقول البلديات الفرعية مثل طلعة التمياط وشعبة نصاب تتفوق على أمانة ميزانيتها أضعاف هذه البلديات يجب إنجاز المشاريع في وقت قياسي
الجسر كانوا يبونه جسر معلق ، بس ماضبط معهم لوجود الياف على قولتهم ، اتوقع الجسر بيكون جاهز إذا صرنا شيبان ,اللحين اكثر الشركات تأخذالمشروع اللي فيه فلوس كثيره نلقاهم إّذا مسكوا المشروع يشتغلون فيه لـ مدة اسبوع ويخلون 3 عامل يشتغلون فيه ، ويروحون لمشروع ثاني فلوسه اكثر من المشروع الاول ويتركون فيه 3 عامل وعلى هالحال،،الى متى والبلديه والمهندسن والمقاولين نايمين بالعسل، قسم بالله قرى صارت احسن من عرعر ، فيه مهندس باليلديه رحت له وقلت انا ساكن شمال المنصوريه بـ حي المروج ،ونبي تضبطون لنا الشوارع لأن اغلب الموجودين سياراتهم صغيره ،، رد علي بكل أستهتار ، وقال (أصلا بيوتكم مكانها خطأ وضيقت علينا الشوارع ) قلت الخطأ خطاكم ، انتم اللي وزعتوا الأراضي،(قلت طيب سوو لنا طريق ترابي يعني ردميه ) قال حناالأن ندرس موضوع الطريق الترابي ، قلت طيب ابي اجيب شيول،على حسابي واسوي لي طريق ،علشان اجي معه ، قال لازم تسوي معروض وترفعه للأمانه وتنتظر الرد.. مارديت عليه وجبت شيول وسويت لي طريق ،لأني ادري ماراح يجي للحي ، (نطالب الامانه والبلديه بصرف لنا سيارات دفع رباعي ).
والله انا اشوف انه زين وصل الي هنا بسنه ونص مقارنه بمانراه على
طريق عرعر رفحاء الدولي { الفضيحه الدوليه }اللي له فتره تكفي
لبناء ناطحه سحاب ولكن للاسف لاحياة لمن تنادي .
والله صرنا نشتاق لموقف يبرد قلوبنا من جهات الاختصاص توقف للمقاولين اللي
لعبوا فينا وخلوا المواطن يري النقص من الدوله رغم العطاء المستمر
امانه عرعر - اعضاء المجلس البلدي >>> نريد وقفت صادقه ومخافت الله قبل الغير
ههههههههههههههههههههههههههههههه انتم لحد الحين على المشرووع هذا اقوول يقول المثل انتضر يا يا مايجيك الربيع وشو خلصن الفلووس ويبوون فلووس غيرهن وشو سنه ونص قوول عشره عشرين سنه ممكن يجي واحد يسوويه على الحساابه الخااص تطوعن ههههههههههههههههه غنوو معااي ياليييل ماطولك غنو يالييل مطوولك ممكن يجي ممكن
كله من المقاولين الفاشلين والعقود بالباطن وقلة الايدي العامله وعدم اعطاء رواتب العمال وهذا سبب عدم اكمال المشاريع في عرعر وعدم تنسيق كل من البلديه والمياه وما نقول الا لاحوه ولا قوة الا بالله
عدسة عرعر اليوم ترصد جسر طريق جديدة عرعر .. وعام ونصف العام من التوقف 
38 
