الرئيسية الأخبار المقالات الصور البطاقات الفيديو راسلنا

 

الأخبار شيبة عرعر شيبة عرعر بعد الغاء مهرجان عرعر يقرر الزواج ... ويكشف عن خوفه من أمن الطرق !! 06-29-2012 03:29 PM عرعر اليوم ـ التحرير :أعلن شيبة عرعر عن رغبته بالزواج بعد أن تم إلغاء مهرجان صيف عرعر لهذا العام حيث أكد أن هذا الحل هو أفضل حل في إشارة للفراغ الذي يعاني منه بعد الإلغاء شيبة عرعر كشف أيضاً عن سبب عدم محبته لطريق طريف ؟ جميع التساؤولات التي تدور في مخيلتك عزيزي القاريء تجدها في ثنايا حوار شيبة الجديد فإلى التفاصيل ... السلام عليكم ورحمة الله وبركاته ياشيبة عرعر وعليكم السلام ورحمة الله وبركاته يامدينتي الغاليه وش برنامجك بهالصيف بعد ما ألغو المهرجان ياشيبة عرعر ؟ قررت اداويها بالتي هي الداء خيراً ان شاء الله وما هو هذا الدواء ؟ قررت اتزوج هههههه وان شاء الله انك لقيت بنت الحلال بنات الحلال كثير بس انا لي مواصفات خاصه ياشيبتنا الفاضل احمد ربك اذا لقيت وحده تقبل بك وانت بهالسن وزود على الكبر كثرة الفقر يامدينتي الغالية وقتنا هذا وقت استغلال المسؤولين يستغلون الظروف ويلهفون ويامرون وينهون على كيفهم والتجار يستغلون الضعوف ويبالغون بالاسعار والبنوك تستغل ضعاف الموظفين ويبالغون بالفوائد وانا ابي استغل كثرة العنوسه بين النساء وابي املي مواصفاتي طيب ياشيبة عرعر وش المواصفات التي تبيها تتوفر بالعروسه ؟ سهله جدا يامدينتي الغالية سجلي عندك : ملساء القدمين ، رذماء الكعبين ، ناعمة الساقين ، ضخماء الركبتين ، لفاء الفخذين ، ضخمة الذراعين ، رخصة الكفين ، ناهدة الثديين ، حمراء الخدين ، كحلاء العينين ، زجاء الحاجبين ، لمياء الشفتين / بلجاء الجبين ، شماء العرنتين ، بيضاء الثغر ، محلولكة الشعر ، غيداء العنق ، مكسرة البطن ، اطول النساء اذا قامت ، واعظمهن اذا قعدت ، واصدقهن اذا قالت ، اذا غضبت حلمت واذا ضحكت تبسمت ، وإذا صنعت شيئا جودت ، التي تطيع وتلزم بيتها ، العزيزة في قومها ، الذليله في نفسها ، الودود الولود وكل امرها محمود . وأهم من هذا كله ماتبي شغاله . ويحك ياشيبة عرعر وين تبي تلقى هذه المواصفات ؟ هي موجودة عند خالص العرب ولان العرب جرب هذه الايام نلقاها في بلاد (حالات تيشتوٌرا ) طيب وعساك حجزت صالة افراح ياشيبتنا الفاضل ؟ الصاله موجوده وببلاش اي صاله حجزت ياشيبة عرعر ؟ مبنى ادارة البريد اللي متعثر له اكثر من عشر سنوات وانا اولى من الطيور اللي معششة به وبعدين فسيح وواسع اربعة او خمسة ادوار ياخذ النساء والرجال والاطفال ياشيبة عرعر كل هالمواصفات للعروسه وتبي تزفها بهالخرابه وتراها ايله للسقوط ومافيها كهرباء ؟ يامدينتي الغاليه افضل مدراء ادارتين عندنا بالمنطقه خلقاً وعملاً (ادارة الدفاع المدني ، ومدير شركة الكهرباء ) ولا يحتاجون الى واسطات فعملهم للجميع مايقصرون معاي إن شاء الله الاول يرسل فرقه للكشف على المبنى من ناحية الصلاحيه للاستعمال لليله واحده إذا احتاج الامر يامر باخذ الاحتياطات اللازمه عند السقوط والثاني يوصل لنا الكهرباء. ياشيبة عرعر افهم من كلامك بان هناك ادارات حكومية ما انت راضي عنهم ؟ يامدينتي الغاليه انا من اكون حتى ارضى او لا ارضى المهم رضا المواطنين اللي انشئت هذه الادارات لخدمتهم . وكذلك رضا ولي الامر اللي حملهم الامانه . وش رايك بالجهات الامنية ؟ الشرطة يتفاخرون ماسكين شاب سارق جوالات واللي يسرقون الملايين ما احد مسكهم اما امن الطرق تكفين لا تجيبين طاريهم ما ادانيهم بعد ما هربت خدامتي من عرعر الى جده وما قبضوا عليها . ياشيبة عرعر هل معقول تبي تتزوج بمبنى حكومي دون اخذ موافقة الجهة المالكة ؟ اعتقد يامدينتي الغالية بان هالمبنى ماله جهة مالكه مو معقول كل هالسنين متعثر العمل به ولا احد حرك ساكن وما تدرين لو وصل خبره لمولاي خادم الحرمين الشريفين وامر بمنحه لي فهو من كل خير قريب لكل مواطن اطال الله في عمره ومده بالصحة والعافيه . ياشيبة عرعر هل حجزت فرقه لإحياء العرس ؟ ما يحتاج حجز فرقه ياكثر المطبلين عندنا ندعوهم على اساس افتتاح المشروع ويجون يطبلون طيب وجهت دعوات لحضور هذه المناسبة ؟ ما يحتاج طباعة دعوات الاخوان بعرعر اليوم يبون يسوون اعلان عندهم بالصحيفه مجاناً بقصد تخفيف المصاريف علي . الله يجزاهم عني خير وليلة الزواج نذكرهم برسائل جوال عرعر اليوم . افهم من ذلك بان الدعوة تكون عامه ؟ نعم يامدينتي الغاليه الدعوة عامه لجميع سكان منطقة الحدود الشمالية رجال ونساء واطفال . بما فيهم مدراء الجهات الحكوميه . حتى نضمن حضور المطبلين ماعدا مديري الجوازات وامن الطرق حتى يقبضوا على خدامتى الهاربه . اكيد ياشيبة عرعر تبي تعتذر عن قبول العنايا ؟ لا لا يامدينتي الغاليه اهالي الشمال طيبيين وانا استاهل وتراني فاتح عدة حسابات بعدد من البنوك لراحتهم للإيداع من الصرافات وهم بسياراتهم واسماء الحسابات كالاتي : جمعية الايتام الخيريه جمعية الامير عبدالعزيز بن مساعد الخيريه لجنه السجناء والمعسرين لجنه اصدقاء المرضى وين تبي تقضي شهر العسل ياشيبة عرعر ؟ يعني وين خايفه اروح لباريس ما لها الا طريف براد ومهرجان وفلة حجاج لو إني ماداني طريق طريف . ليه ياشيبة عرعر ؟ من كثر دوريات امن الطرق عليه الله يتمم لك بخير ياشيبة عرعر الله يجزاك الجنة ياعرعر المدينة 29 خدمات المحتوى أدوات : [أضف تعليق] [إرسال لصديق] [طباعة] [حفظ بإسم] [حفظ PDF] التعليقات #31110 [عضو لجنة] 06-29-2012 04:00 PM ههههههه شهار بارك الله فيك [عضو لجنة] #31111 [معلم خبير] 06-29-2012 04:03 PM أمن الطرق ياشيبة عرعر هههههه هذا خنجر مسموم ولجميع يعرف المقصود بس البريد والله انك صادق اللي يطبلون واجد بالعرس لو اعرست وقلت لهم افتتاح مشروع [معلم خبير] #31112 [العنزي] 06-29-2012 04:04 PM اشكرك يا شيبة عرعر على الطرح الراقي [العنزي] #31116 [خلف بن جويبر] 06-29-2012 07:06 PM رائع في طلتك ياشايبنا القدير وأشتقنا لطلتك حوار جميل بأسلوب ممتع تحياتي ودمت بود [خلف بن جويبر] #31117 [عاطل] 06-29-2012 07:20 PM يعطيك العافية ياشيبة عرعر بس ممكن طلب (بسيط )؟ اول الحاضرين وعنيتك ابشر فيها بس اصبر لمن ينزل حافز [عاطل] #31118 [مصطفى الصاوي] 06-29-2012 07:46 PM ياشيبة عرعر هل حجزت فرقه لإحياء العرس ؟ ما يحتاج حجز فرقه ياكثر المطبلين عندنا ندعوهم على اساس افتتاح المشروع ويجون يطبلون ههههههههههههههههههههه مش ديه شطحه يا باشا ؟؟ رووعه وانا من الميدين لإقامة زواج شيبة عرعر في مبنى البريد [مصطفى الصاوي] #31121 [ام ريان] 06-29-2012 09:55 PM والله شروطك صعبه ياشيبة عرعر. والله يسامحك على هذه الشروط اخاف ازواجنا يغيرون رايهم بنا هم زينين بليا وعسى حالات تيشيتورا ماهي قريبه وعلى العموم مبروك مقدما [ام ريان] #31125 [حااااااالي زيادة] 06-30-2012 12:09 AM أغبى قرار عرفه التاريخ الغاء مهرجان عرعر يارب لا توفق من كان السبب خلالالالالالالالالالالالالالالالالالالالالالالالالالالالالالالالالالالالالالالالالاص تعبنا من هالديرة ومسؤوليها اللي طفشونا منها الظاهر الرحيل من عرعر هو أفضل حل [حااااااالي زيادة] #31126 [العلالي هي اختياري] 06-30-2012 12:19 AM عرعر وصلت لحال يرثى له عرعر وصلت لحال يرثى له عرعر وصلت لحال يرثى له عرعر وصلت لحال يرثى له عرعر وصلت لحال يرثى له عرعر وصلت لحال يرثى له عرعر وصلت لحال يرثى له عرعر وصلت لحال يرثى له [العلالي هي اختياري] #31127 [بشت وزير] 06-30-2012 12:30 AM أمن الطرق لا تجيب طاريهم بعض النااااااس تمغصهم بطوووووووونهم ومبنى البريد يضاف لعجائب عرعر المتعطلة أقصد مشاريعها المتعطلة والمهرجان كلنا رايحين لمهرجان طريف والسنة القادمة لا نشوف الامانة تعمل مهرجان ولا نشوفها توطوط عندنا وش كسبنا من الأمانة غير وجع القلب لا صكوك بأراضي دفعة 1416هـ مشاريع متعطلة قرعة الاراضي ظالمة شوارع مكسره نخل طايح كسر السيارات والله استغرب ملايين جالسة تهدر ولا فيه أي فايدة لعرعر وين تروح هالملايين الله العالم ؟ [بشت وزير] #31129 [عضو لجنة] 06-30-2012 12:56 AM بصراحة موضوع رائع وانا اتمنئ لك التوفيق شهار لعدوك شكرن يا عرعر اليوم [عضو لجنة] #31133 [إلى الأمام] 06-30-2012 01:28 AM الله يعيننا وياك شكلي بتزوج طفششوناااااااااا اصحاب المهرجان مشكلتنا كل عام نفس الاشكال الي تنضم ما في تغيير بالأشخاص [إلى الأمام] #31136 [عبدو الحق > الجيزه] 06-30-2012 01:38 AM هاي شيشو <يدلع شيبة عرعر شيشو تذكر مهرجان طريف للصقور و تذكر الحضور الاعلامي له وصار اكثر حضوره بالاعلام قبل بدايته وبعدين صار له صدى من الشرق إلى الغرب وقنوات وزحمه وناس من الدول وهو مهرجان للصقور شوف !! تدري وش الفرق ؟ الفرق إن لجنة طريف كفأ رغم قلتهم ورغم صغر طريف يعني بإختصار هون ما عندك أحد ومشكلتنا يا عرعر !_الدكتاتوريين 2_الباحثون عن الشهره 4_ المستثقفين 5_الباحثون عن الأموال و أخيرا سألك يا شيبة عرعر ولكن باللهجه الشيبيه الي مازانت بها الوقت متى وده تزين ؟ [عبدو الحق > الجيزه] #31144 [حفيد الشيبان] 06-30-2012 08:29 AM ياجدي والله فكرة ياكثر المشاريع المتعثره ليش مانخليها قصور افراح بالمجان بالنسبة لأفضل مديري ادارة زي ماقلت المثلوخي و العسيري تعاملهم مع المواطنين والموظفين تعامل ممتاز جداً لاتجد التكبر منهم متواضعين وبسطاءءءء [حفيد الشيبان] #31145 [ام نادر] 06-30-2012 08:44 AM والله ما انت سهل يا الشايب وتتكلم فارسي صحيح من قال تحت السواهي دواهي على العموم طلبك عندي بس تبي خدامه وسايق [ام نادر] #31146 [من اهالي طريف] 06-30-2012 08:59 AM نرحب بك ياشيبة عرعر وابشر بالعنايا واذا ماخذتك الدار تأخذك عيوننا ونشكرك على اختيار مدينتنا لقضاء شهر العسل وتفضيلها على باريس [من اهالي طريف] #31148 [الحكيم] 06-30-2012 09:12 AM يعجبني بكتاب عرعراليوم المتميزين طواري الجنيدي. وشيبة عرعر عن متابعتهم لاخبار صحيفتهم ثم اعادة الطرح كل على طريقته حتى اصبحت عرعر اليوم متنفس اهل الحدود الشماليه وصوتهم المبحوح فشكرا لك ياعرعراليوم وللمميزين القديرين طواري وشيبة عرعر وان كنت اشك بانهما كاتب واحد. وعلى العموم الحوار ممتع وشيق وهادف بطريقة أدبيه راقيه. لكن ياشايبنا القدير خليتنا نعيد النظر بالرجيع اللي عندنا مافيهن 1/. من المواصفات اللي تبحث عنها ولايفوتني بان اقدم لك العنيه ولعروستك. بان اوصلك لطريف قطوع حتى لايزعجوك امن الطرق [الحكيم] #31160 [مواطن ولكن] 06-30-2012 01:22 PM ماأقول غير لناالله ...ياعزيزتي عرعر [مواطن ولكن] #31162 [أبـو مشـعـل] 06-30-2012 02:54 PM عروسك اللي أنت تبيها تلقاها بمعرض العبيد بس الله يعينك على الفحص الدوري واللوحات ههههههه [أبـو مشـعـل] #31172 [ابومحمد] 06-30-2012 06:31 PM ااااااااااه لا تذكروني بالمهرجان أوجعتي قلبي [ابومحمد] #31192 [f90] 07-01-2012 02:24 AM أرى مواصفات صعبه للغايه للمرأه التي تريديها يا شيبة عرعر كيف تريد إمرأه بهذه المواصفات في مدينه ليست صالحه وفساد كبير ومطبلبن كثيرون [f90] #31195 [نانة] 07-01-2012 03:33 AM يسلمووو ياشيبة عرعر استمتعنااا بردووودك <بس سراحة شرووطك سعبة وين بتلاقى ذى المراه باللة [نانة] #31206 [سيف الدهامشة] 07-01-2012 09:42 AM يعني ما عندنا الا مبنى البريد؟ اللي اعقد من هذا جسر الصناعية الذي اعاق حركة السيارات وتعالوا و شوفوا المطابات الصناعية في الشوارع كل مئة متر مطب وداخل الحواري كل حاط امام منزلة مطب صناعي مواصفاته على طلب صاحب المنزل اما صبه اسمنت أو اسفلت عالي وغيره التعدي على شوارع الحي اما بأغلاقه بمواسير وصبات اووضع حواجز بدائية أو موقف خاص ليسارت وغيرها كثيييييييييرررررررررررر [سيف الدهامشة] #31209 [مطنش] 07-01-2012 10:08 AM السلام عليكم ورحمةالله وبركاته ارجو ان تصل الله يتمم لك بخير ياشيبة عرعر الله يجزاك الجنة شكر لك على هذا الطرح بس ابى منك تعلق على وضع الموظفين اقصد موظفين الصحه وهموم الترقيةاللى ماتجي اللى بعد طلعه الروح ويوم تجي يلقفها ويصدها الغير قصدي الواحد يفرح اذا جته الترقية بس حنا لا نحزن ليش عندما تجي الترقي مكان ثاني اى منطقة اخرى وتبي ترجع ندب يقلولون لا مافي موظفينا عندكم ورفضتم ندبهم طيب وش خصنا الموظفين يعملونها المدراء فيما بينهم وخنا نكلها تكفا التعليق عليها [مطنش] #31223 [شمالي ذوق] 07-01-2012 01:23 PM بلاش الاسقاطات اللي مالها داعي. كلنا عيال قريه .والشماته ماتجيب الا مثلها. البلد يبغى رجال تعمل ولا تتكلم.مو ناس تتكلم ولا تعمل . [شمالي ذوق] #31242 [uvuvغير] 07-01-2012 03:00 PM عرعرغير هههههههههههههههه [uvuvغير] #31279 [فقير لله] 07-02-2012 12:32 AM الله يعطيك العافيه ياشايبنا القدير إذا لم يسمعوا منك وأنت كبيرنا، فليس لنا ان نقول إلا : "قد أسمعت لو ناديت حيا***ولكن لاحياة لمن تنادي" طرح جميل ونقد بناء والأجمل من هذا هو تتابع الأفكار بطريقة سلسة وممتعه بارك الله فيك [فقير لله] #33425 [ابو وليد الدهمشي] 08-09-2012 06:09 AM ايشرك ياشيبة عرعر لقيت لك البنت الي تحلم بها طبعا اذا ماعندك مانع تاخذ وحده ماهي بمسلمه وطبعا هي ماتبي شغاله وتعرف تسوق تلقاها باستراليا بمدينة نيوكاسل وهذا عنوانها 2/107 Coweper st Wallsend NSW2287 aus لا اوصيك ياشيبتنا تخطب لولدك من سدني ولا القولد كوست كل بناتهم اهل استراليا نفس هذي المواصفات الي حاطها وزود كمان وخل امهات الركب السود عنك ودع الاخ ابو سروال وفانيله ينطلق للحياه وبحس انه انسان ولو للحظه وحده بعمره تحياتي تضربكم من تحت الحزام [ابو وليد الدهمشي] #33519 [ابو وليد الدهمشي] 08-11-2012 01:58 AM لماذا لم ينشر ردي السابق!!! [ابو وليد الدهمشي] تقييم 4.91/10 (33 صوت)