الرئيسية الأخبار المقالات الصور البطاقات الفيديو راسلنا

 

الأخبار شيبة عرعر شيبة عرعر يعود بعد غياب ويوجه رسائله المعتاده في قالب كوميدي ممتع بحوار شيق وجميل 10-15-2010 07:23 PM المشاكس والممتع عاد من جديد بعد غياب عاد بحوار مع مدينته عرعر فيه قراءه للأحداث الماضية بطريقة محببة للنفس فلنستمتع بحوار شيبة عرعر . س: السلام عليك ورحمة الله وبركاته ياشيبة عرعر؟ ج : وعليك وعلى القراء السلام ورحمة الله وبركاته . س : ودنا ياشيبتنا نكمل محاوراتنا اذا ما عندك مانع ؟ ج : على الرحب والسعه ياعرعر تفضلي . س : ما شاء الله اشوفك اليوم لابس ترنق ايش السالفة عساك تمارس الرياضة ؟ ج : لا – حنا يا الاولين ما نعرف غير رياضه المشي بس يقولون مدارسنا بالمنطقه تعاني من نقص في مدرسي التربية البدنيه والجغرافيا وانا ما اعرف شيء بالجغرافيا قلت ابي اتبرع وادرس اولادنا الرياضة البدنية مادام كلها ترنق وصافرة . س : اجل ما ارسلت ايميل لمدير التربية بالمنطقه قبل بدء الدراسة وطلبت فيه تلافي ذلك ؟ ج : يمكن ما وصلهم لو هو واصلهم ما قصروا وبعدين ياعرعر والله ان وزارة التربيه تحير ادارتها بجميع مناطق المملكة كل سنه هذة سالفتهم اما نقص مدرسين او نقص بالمقررات مع العلم ان البطاله بين المدرسين الخريجين اكثر منها مافيه ولكن هذه عادتهم ومن خلى عادته قلة سعادته . س : طيب اذا الايميل ما وصلهم وين يبي يروح ؟ ج : يقولون طاح بحفرة الصرف الصحي اللي صار بها ثلاث حوادث سقوط اوادم . س : ياساتر يارب – خل الحفرة بعدين نرجع لها نبي نكمل موضوع الرياضه البدنية ؟ ج : ايش تبين تقولين ياعرعر عن الرياضه البدنية . س : انت مع او ضد من يطالبون بادخال الرياضه لمدارس البنات ؟ ج : اكيد انا ضد هالافكار المسمومه فالمرأة كرمها ديننا الحنيف وهؤلاء يريدون اهانتها فهي الام والاخت والبنت فكيف نقبل لها ذلك . بس لو انني وزيراً للتربية لفتحت مدارس لزوجات واخوات وبنات اصحاب هذه الافكار وقلت لهم ادخلوا الرياضه اللي تبون كان ولا واحد منهم يقبل ذلك . س : طيب وان قبلوا ذلك ؟ ج : انا اتبرع بتدريسهن الرياضه بشروط . س : بعد تتشرط ايش هي شروطك ؟ ج : اولا ما ادرس الا بنات الثانوية من الصف الاول الى الثالث ثانوي . ثانيا ما ادرس الا رياضتي الجمباز والسباحة . س: بس انت رجال وهذا اختلاط ؟ ج : لا – ادرسهن عن بعد بواسطه القنوات التلفزيونية على طريقه الجامعات . س : ايش رايك بمقررات اللغه العربيه للصف الاول الابتدائي لهذا العام ؟ ج : آه ياعرعر يوم شفت كتب ( لغتي ) لاحد احفادي صكني راسي وقلت الله يرحمك يا خافظ ابراهيم وما الومك يوم انك ترثي اللغه العربيه . س : طيب ايش فيها هالمقررات ؟ ج : فيها التعقيد الواجد والدليل على ذلك بان ادارات التربيه بالمنطقه يسوون الان دورات مكثفه لمدرسي هذه المواد حتى يتعلمونها وبعدين يعلمون الطلاب . فالمدرسين ما من سنع من اول وجابوا لهم مقررات معقدة . ما اقول الا واعزتاه لابنائنا واحفادنا وياقلب لاتحزن . والله يرحم اللغه العربيه . س : الكلام عن التربيه يضيق الصدر ايش سالفه الحفرة اللي تقول صار بها ثلاث حوادث سقوط اوادم ؟ ج : هذه الله يسلمك ياعرعر والقراء من السقوط بها حفرة من حفر مشروع الصرف الصحي سقط بها بالمرة الاولى شابين سعوديين والثانية والثالثه عماله اسيويه . س : وين المقاول عنها ما زينها او على الاقل يضع سياج عليها وعلامات تحذيريه ؟ ج : ههههههههه يقولون المقاول يبي يسجلها بموسوعه غينيس للارقام القياسيه . س : طيب وين الجهة المالكة للمشروع ماتطبق عليه التعليمات ؟ ج: الرشاوي قصدي الهدايا عامله عمايلها حسبنا الله ونعم الوكيل . س : طيب وين هيئه الرقابه و التحقيق عنهم ؟ ج : الله المستعان ياعرعر الرقابه عندنا يبون لهم رقابه ويبون تحقيق وما نشوفهم الا بالاعياد وجودهم على صغار الموظفين هذا متاخر وهذا غايب ويوم جبتي طاريهم تذكرت قول الشاعر : زعم الفرزدق ان سيقتل مربعاً ابشر بطول سلامة يامربع . س : طيب عندك شيء اخر تبي هيئه الرقابه والتحقيق يتدخلون به ؟ ج: عندي سالفة السيارة المثلوثه . س : فيه سيارة مثلوثه اللي اعرفه مندي مثلوثه ؟ ج : لا – هناك ايضا سيارة مثلوثه راسها تابع لوزارة الزراعه والتيدر تابع للدفاع المدني والمستفيد المقاول والسائق وافد وياليل ما اطولك ياليل . س : ما شفنالك تعليق ياشايبنا على حادثه السطو التى تعرضت لها عرعر اليوم من احدى الصحف الالكترونيه خاصة ان احد القراء استنجد بك ؟ ج : الله عليكم يا اهل عرعر الناس يسرقون ملايين ومليارات وانتم صجيتمونا علشان سرقه صورة ما سمعتم قول الامير عبدالرحمن بن مساعد اطال الله في عمرة . اسرق رغيفين تصير انت المجرم السارق واسرق ملايين تصير الماجد الحاذق . الرجال يدور المجد فاتركوة بحاله هذا اولاً ثانياً انا زعلان على عرعر اليوم ما سمعوا كلامي باول رساله وجهتها لهم عندما قلت اذا انطلقت فلا تلتفت للوراء . وبعدين ياعرعر خلاص انتهى الحوار لاتسالين . س : لا – تكفى ياشايبنا عندي سؤال اخير ارجوك ماتردني ؟ ج : انت ياعرعر تعرفين غلاك عندي وتدرين اننى ما اقدر اردلك طلب تفضلي . س : ما رايك بما قام به الامين العام بالتقاط صور بجواله للمواقع الغير نظيفه والاستشهاد بها بالاجتماع مع مسؤولي الامانه ؟ ج: ياسلامي عليك يالسعودية . ياسلامي عليك يالراشد فانت امين وراشد وان دل ذلك على شيء فانما يدل على ثقه هذا الرجل المسؤول بنفسه ويوجه رساله قويه للاعلاميين وينكم عن ديرتكم فنحن نقبل النقد البناء لا النقد من اجل مصلحه خاصه . فالف شكر مني لابي محمود وعسى ان تكون قدوة لمدراء الادارات الاخرى بنقد الذات . وان شاء الله منطقتنا بخير ما دام انت امينها وهذا هو طبعك . 22 خدمات المحتوى أدوات : [إرسال لصديق] [طباعة] [حفظ بإسم] [حفظ PDF] التعليقات #4229 [ابو محمد] 10-15-2010 11:34 PM ااااااااه ياشيبة عرعر رايق والله رايق أما مسألة حفر الصرف الصحي مدري إلى متى هل ينتظرون أحد علشان يموت يالله يرتاحون !!!!!!!!!!!!!!!!! وبعدين والله لو يعملون ناطحة سحاب خلصوها مو حفرة لها شهور #4230 [الغاااااااااااالي] 10-15-2010 11:36 PM هلا بشيبة عرعر أجل تبغى تدرس رياضة أنا نفسي أشوفك بثوب وشماغ عاد كيف اشوفك بملابس رياضة فيني حرقة ابغى أعرف من أنت #4231 [ابن الصحراء] 10-15-2010 11:37 PM بس عرعر اليوم ماقصرت بسبق ياشيبنا بس السرقة سرقة لاتقول اللي يسرق تفاحة أو يسرق بستان كلها سرقة #4232 [مدرس مغترب] 10-15-2010 11:39 PM والله مدير التربية والتعليم لو ترسله مية ايميل رجال مابراسه الا حاجة وحدة كيف يضم المدارس ويقفل المدارس أهم شي حنا مانجي لأهلنا ونجلس طول عمرنا نخدم بعيد عن عرعر #4233 [عايد العنزي] 10-15-2010 11:40 PM لو كل مسئول نزل للشارع ولاحظ كل شيء بنفسه كان صرنا بخير #4235 [ناصر ابو اسامه] 10-16-2010 12:12 AM شكراً شيبتنا الموقر ................ لكن المناهج والتعليم تبي منك ومن امثالك من كتاب عرعر اليوم وغيرهم الكثير والكثير من المقالات والانتقادات وعسى الوزارة تنتبه لذلك والا سوف تكون النتيجه دمار جيل بل أجيال قادمه وذلك بسبب هذه المناهج المعقده مع فقر مدقع للأمكانيات والتجهيزات في مدارسنا ...... شيبتنا العزيز كلامك جميل جداً لكن ما تشوف انك طولت علينا هالمره ,,,, آخر علمنا فيك في العشر الاواخر من رمضان الماضي الذي اسأل الله ان يطيل اعمارنا واياك لبلوغ رمضان القادم,,,, #4237 [ رائد العنزي] 10-16-2010 12:42 AM اخيرا اتحفتنا يا استاذنا القدير وشيخنا الجليل بهذه المشاكسات من لدنك ناس تسرق ملايين وتسطر لها اروع المواقف وناس تسرق بالقليل تضرب بالنعول والخيزران لاحول ولا قوة إلا بالله من دنيا الـ ((( وااااااااو))) #4238 [معلم ] 10-16-2010 12:45 AM اولا احب اعلق على ممارسه الفتيات الرياضه اولا هن يمارسن الرياضه فى ماكن مغلقه ماادر ي ليش انتم الى الان تحتقرون المراه بممارسه ابسط حقوقها وهي ممارسه الرياضه ونحن نقول ممارسه الرياضه وليس ممارسه الرقص فى ملهي ليلي عفوا على هذه الكلمه ارجوا عدم حذف التعليق ولابد من تقبل الراي والراي الاخر #4247 [ساكن بالعزيزية] 10-16-2010 10:44 AM والله شكل المقاول صحيح يبغى يسجلها بموسعة جينس اللي اعرفه قبل لايصير وقوع الخطر ينشال عندنا ثلاث مدري أربع وهم مادروا عنهم #4248 [ابوفهد] 10-16-2010 10:45 AM أي والله صادق الرياضة للبنات ماهي لايقة ياخي كل يوم تجينا أخبار وأفكار جديدة #4263 [مابنكسر صابر] 10-16-2010 11:28 AM منتهي الشيبه مابوووووه طب فديته #4274 [فيصل الرويلي] 10-16-2010 03:56 PM صح لسانك يا شيبة عرعر والى الامام دائما ما عندة الا الصراحة #4276 [عابر سبيل ] 10-16-2010 08:43 PM صورت حالنا ياشيبة عرعر مدارس البنات لم توصلهن الكتب واذهبنا التصوير ومثل ماذكرت ايميل مدير التعليم مايرد على طلباتنا #4280 [........] 10-16-2010 09:31 PM كفو والله ياشيبة عرعر شاكر لك على الحوار وشاكر لعرعر اليوم .. واعجبني كلامه ج : لا – هناك ايضا سيارة مثلوثه راسها تابع لوزارة الزراعه والتيدر تابع للدفاع المدني والمستفيد المقاول والسائق وافد وياليل ما اطولك ياليل . س : ما شفنالك تعليق ياشايبنا على حادثه السطو التى تعرضت لها عرعر اليوم من احدى الصحف الالكترونيه خاصة ان احد القراء استنجد بك ؟ ج : الله عليكم يا اهل عرعر الناس يسرقون ملايين ومليارات وانتم صجيتمونا علشان سرقه صورة ما سمعتم قول الامير عبدالرحمن بن مساعد اطال الله في عمرة . اسرق رغيفين تصير انت المجرم السارق واسرق ملايين تصير الماجد الحاذق . الرجال يدور المجد فاتركوة بحاله هذا اولاً ثانياً انا زعلان على عرعر اليوم ما سمعوا كلامي باول رساله وجهتها لهم عندما قلت اذا انطلقت فلا تلتفت للوراء . وبعدين ياعرعر خلاص انتهى الحوار لاتسالين . والكبير كبير ياعرعر اليوم #4293 [قلم رصاص] 10-17-2010 11:33 AM ياشيبة عرعر ياشايبنا تكفى عطنا رايك بموضوعين 1ـ ارتفاع أسعار الشعير والطماطم 2ـ رايك بالخبر اللي جابته عرعر اليوم عن مدير أحد الادارات اللي انسرق غداه ابغى رايك #4294 [ابوفايز] 10-17-2010 11:34 AM هيئة الرقابة قال صفوا صفين قال حنا اثنين موظفينهم قليل #4295 [النجار] 10-17-2010 11:36 AM ياخي من زمان ياشيبة عرعر وأنا أطلب منك تشوف الأحوال المدنية مايصير لازم تشوفهم جنوننا زحمة وفوضى ولاترتيب ولا شيء #4296 [مدير بلا ادارة] 10-17-2010 11:36 AM مناهج الطلاب السنة هذي حووووووووووووووووووووووسه مالومك #4297 [شاب عرعر] 10-17-2010 11:38 AM راااااااااااااااااااااااااااااااااااااااااايق حوار رائع مع الشيبة خل عنك والله مانت شيبة أنت شاب عرعر مانت شيبة عرعر #4298 [ناصر] 10-17-2010 12:38 PM تميييييييييييييييييييييييييييييييييييييييييييز لا مثيل له \"شيبة عرعر\" محق فيما يقول #4309 [مفلح أشكناني] 10-18-2010 12:44 AM شكرا على الحوار الرائع!! وشكرا لشيبة عرعر المتألق دائما بحواراته بس انا عندي سؤال أرجو من شيبة عرعر الرد عليه إما عن طريق الردود او بالموضوع القادم انشاءلله السؤال يقول : برأيك، مالذي يندرج تحت مسمى أفكار مسمومة؟ ليس بالضرورة أن تحصر لي جميع ماتحملة العبارة ولكن لكي نرى إلى اين وصلت حدود تلك الكلمة؟ بمعنى، لو رجعنا بالذاكرة الى الماضي وبحدود عشرين سنة لتذكرنا أن الدشوش (الستالايت) كانت محاربة من قبل من نعتبرهم أهل الخير والصلاح بحجة انها من الافكار المسمومة، ولكن في يومنا هذا نجد حتى اهل الخير والصلاح تكاد منازلهم لاتخلو من الدش؟ والامثلة كثيرة وأكرر شكري للعاملين بهذه المجلة الموقرة وكذلك أحب أن انزل قبعتي اجتراما وتقدريا لشيبة عرعر وقلمه الرائع #4317 [خلف جويبر ] 10-18-2010 10:30 AM شيبة عرعر حوار رائع وأمورك أروع أسمح لي أختلف معك بتدريس التربية البدنية للفتيات أنا أرى أن حرمان النساء من الرياضة أمر غير مقبول أما عن تدريسك فماذا تركت لنا نحن الشباب تقييم 6.37/10 (99 صوت)